CHANZO NA CHIMBUKO LA USHAIRI WA KISWAHILI.

Ushairi ni utanzu mkongwe sana katika Fasihi ya Kiswahili.

Lyndon Harries – Chimbuko au chanzo cha Ushairi ni uislamu au Fasihi ya Kiarabu. Ushairi huu ulianza karne ya 17 katika maeneo ya pwani ya kaskazini ya Kenya maeneo ya Lamu. Aliangalia maudhui ya Ushairi wa Kiswahili na kuona kuwa yanatokana na dini ya Kiislamu na Ushairi wa Kiarabu. Aliangalia mianzo ya tungo za Ushairi wa Kiswahili na mianzo ilikuwa ni aya mbalimbali za Quruan. Aliangalia misamiati na kugundua kuwa msamiati mingi ina asili na lugha ya Kiarabu. Aliangalia hati ya maandishi na kugundua kuwa ni hati ya Kiarabu ndo ilikuwa ikitumika.

Mulokozi na Sengo (1995) wanaeleza kuwa kuusishwa kwa ushairi wa Kiswahili na ushairi wa Kiarabu pamoja na Uislamu kunampelekea Harries kutoa kauli inayomchanganya mwenyewe.

Jan Knappert – chanzo cha ushairi wa Kiswahili ni Ngoma na umechanganya utamaduni wa kiajemi na uislamu na ulianza pwani ya kaskazini mwa Kenya na kuenea mpaka sehemu za kusini na ulianza karne ya 17.

Kwa ujumla chimbuko la Ushairi wa Kiswahili ni  utamaduni wa waswahili wenyewe. Asili ya Ushairi wa Kiswahili ni nyimbo na ngoma za asili za Waswahili wenyewe. Nyimbo hizo zilikuwa zikiimbwa kwenye harusi, sherehe za jando na unyago wakati wa kazi na wakati wa kubembeleza mtoto.

Mulokozi na Sengo (1995) wanadai kuwa asili ya Fasihi ya Kiswahili haiwezi kutenganishwa na maisha, utamaduni na lugha waliyoibuni. Asili au chanzo cha ushairi wa Kiswahili inabidi kuangalia fasihi ya waswahili, lugha pamoja na utamaduni wao.

Mulokozi na Sengo wanakubaliana kuwa asili ya ushairi wa Kiswahili ni ngoma na nyimbo za Kiswahili na haukutokana na Uajemi na Uislamu.