CHIMBUKO LA FASIHI

Kuna nadharia mbalimbali za chimbuko la fasihi kama ifuatavyo.

Chimbuko la fasihi ni Mungu. Wataalamu wengi wanadai kwamba mungu ndiye msanii mkuu kwani aliumba ulimwengu kwa usanii wa ajabu na mwanadamu ni moja ya sanaa ya mungu. Hivyo mwanadamu kapewa uwezo na mungu kuweza kubuni mambo mbalimbali. Inadaiwa kuwa uwepo wa dunia ni zao la Mungu, yeye ndiye aliyeiumba dunia na kuumba binadamu pia. Wataalamu wanaounga mkono hoja hii ni pamoja na Plato na Hesioid.

Chimbuko la fasihi ni sanaa  inayotokana na sihiri. Sihiri ni imani ya kimuujiza, mathalani zamani wawindaji walipotaka kwenda kuwinda walichora mchoro wa mnyama wanayehitaji kumuwinda kasha kuchoma mkuki katika mnyama yule wakiamini wakienda kuwinda atamuua mnyama yule.

Chimbuko la fasihi ni wigo au uigaji. Nadharia hii hudai kuwa mwanadamu huiga mazingira yanayomzunguka na kuyaamishia kwenye maandishi, hivyo sanaa ya mwanzo mara nyingi imejaribu kusawiri vitu vilivyomo katika mazingira. Mathalani wanyama, mimea. Mito na kadharika. Nadharia hii imeenezwa na Plato na Aristotle